الشاعر عبيد عبد الرحمن

الشاعر /عبيد عبد الرحمن 1908-1986م

ولد الشاعر المبدع عبيد عبد الرحمن عام بحى العرب بأمدرمان ذلك الحى الموسوم بالفن والغناء والطرب.

تلقى تعليمه فى المرحلة الأولية ولكن ظروفه حالت دون مواصلة تعليمه فعمل مع والده بعض حين وظل يكثر الاطلاع على كتب التراث
فيهضمها بقريحته المتوقدة وذهنه اللماح.

وقد برع فى قول الشعر صغيراً تماماً كصديق عمره سيد عبد العزيز فقد نشأ فى ذات الحى العريق
فتوطدت بينهما صداقة خالدة على مر الأيام الى أخر العمر
وجمعت بينهما صداقة الشاعر الأديب خالد آدم ( ابن الخياط) فراحوا يتعاطون الأدب.

وعبيد عبد الرحمن صاحب مدرسة فى الشعر الرصين..

ولقد سبق معاصريه بالأخيلة المدهشة والصياغة المحكمة والكلمات الرقيقة المهذبة
فقد وصفه الشاعر عبد الرحمن الريح بقوله :

كم عبيد فى شعره الرصين كان مثال اللبق الأمين
منه تظهر فى كل حين تحفه تشجى الناس أجمعين

صدر له ديوان شعر بالأشتراك مع صديقه الشاعر سيد عبد العزيز بعنوان ليالى زمان حوى بعض المختارات
ثم صدر له ديوان زمن الصبا وأخيراً صدر له ديوان من جزئين عن دار البلد للطباعة والنشر والتوزيع.
الأول بعنوان رسائل والثاى بعنوان غزال البر.

ومثل صديقه سيد عبد العزيز وسائر شعراء الحقيبة فقد كان عف الحب يهتم بجمال الروح والذوق السليم ف
قد كان الحب العزرى عنده سجيه ولكنه عندما اضطر الى الوصف الحسى فقد بز جميع الشعراء
الذين تنافسوا فى وصف فتاة أثناء الرقص فى قصيدة منظر شىء بديع ما أحلى الغزل.

وعبيد عبد الرحمن حديقة مختلفة الألوان تفوح بالشذى والطيب وهو كشجرة النخيل
كلما هززناها تساقطت رطبا جنيا.

ياسليم الذوق - ميرغني المامون وأحمد حسن جمعة

يا سليم الذوق  -- عبيد عبد الرحمن

يا سليم الذوق الجمالك صار
زينة الايام و متعة الابصار
سامى حسنك جل عن حصى و احصار
و كل جميل لجمالك دونه و الاقصار
حسنك انت يدوم و الليالى قصار
هو فى العصور اثار لمفاخر الامصار
نور جمال متسلسل من خيار اخيار
نظم الكواكب سلسل كوكبو السيار
فى الفرقدين والزهرة حبيبى ليه ديار
ما فى سماء الدنيا ده بعيد على الطيار
من اشعة محيك شعشع الاقمار
و الشموس و الشمس الفى سماء الاعمار
لدن المعاطف لون دانت قطوفها ثمار
و لماه لمى الدر على خمرة الخمار
ياكنوز الدنيا الضامر الاسرار
انا غير ازمة وجدى ما بى من اضرار
غرة عيونى جمالك و قلبى ليك قرار
وانت حاكم ظالم و حر من الاحرار
لكل شىء برهان رغما عن الانكار
مهما ادارى هواك يهزنى التذكار
انشد قوافى سناك واتعمد الابكار
من كل معنى طريف فى جواهر الافكار
فوران عواطفى يمثل كل شىء فوار
استنشد المستنجد وانشد الغوار
و اذا عزولى بدالى و قصده يبدى حوار
اتناسى اسمك عمدااقوله دا الفوار    

جمال النحاس - سليم الذوق

ياسليم الذوق - عباس تلودي


قصيدة رسائل
• من اغانى عام 1954م
• لحن وغناء الكاشف


• ( هذه القصيدة عبارة عن رسالة أرسلت لصديقه الشاعر سيد عبد العزيز عندما نقل الى مدينة الأبيض)

حبيبيى ... أكتب لى
وأنا أكتب ليك
بالحاصل بي... والحاصل بيك
***
الباقى على .. أنا شوق وحنين
واقيم الليل آهات وأنين
أتقلب ما بين الجنبين
فارقنى حبيب آلفنى سنين
إستحكم بينى وبينه البين
ماليك أمان
ياذا الزمان

ياليالى زمان... الله عليك
أنا أكتب ليك
وانت تكتب لى

يا حبيب روحى .. ونور عيني
يا وحيد عمرى الما دمت حى
أكتب لى عن كل شىء
أذكر ودادى
أرحم فؤادى
أرع الوفا ودع الجفا
وأذكر صفا أيامنا ليك
أذكر جلوسنا على الربى
نستعرض أسراب الظبا
نسمع لهمسات الصبا
ونحن فى عز الصبا
أبسم اليك تبسم معاي
جالس حداى تسمع غناى
مع صوت الناى
دا أنا يامناى الطول حياتى
بغنى ليك


 الليل ما بنومو - أميرة بدر الدين - نجوم الغد

الليل ما بنومو
• من أغاني عام 1954م
• لحن وغناء الكاشف

• ( كلمات تفصح عن أنها قيلت فى حبيب هاجر مخادع)

الليل ما بنومو
أنا حارس نجومو
طول يالليل وهود عاجبني طول الليل
الليل نسيمة عليل الليل سكونه جميل
الليل به النسمات تتأمل الأفلاك
الليل بع العشاق تتذوق الأخلاق
تتناجى بالأرواح
ولشدة ما ترتاح
ما دايره تانى صباح
أنا راصد كواكبه
تايه فى ظلامه
وساير فى مواكبه
سابح فى خياله
وما عاشق جماله
بس لى فيه ذكرى وماخذ عنه فكرة
يكون فيه التلاقى وانظر فيه حبي
والحابيه قلبي
ينظر ما ألأقى
يا ليل أنت شايف توليهي وهيامي
ويالليل أنت عارف أشياء من غرامي
أما بلغك ياليل
***
بالله عيرنى سماع
أحكيلك حبى الضاع
وتغير الأوضاع
هويت محاسن إنسان فى غاية الإبداع
عاهدنى وحبيته ووجدت عهده خداع
الوداع
الوداع
الوداع

الليل ما بنومه- صديق الكحلاويال


 أزاك يا عيونى
• من أغاني عام 1956م


• لحن وغناء ابراهيم الكاشف
• ( والأغنية نتيجة أحاسيس خفية تسببت فيها العيون وما أكثر ما تتسبب فيه العيون)

أّذاك يا عيوني - نجوم الغد - طارق الأمين

أزاك يا عيونى ... جزاك
درت السهر لى روحك براك
***
ورينى كيف
زدتى إنهمال
ورينى ليه
شفت الجمال
مسحورة بى سحر الدلال
مفتونة بى عيون الغزال
الله لا يهدى الكان هداك
***
الليل ليك كم ليل ويوم
ولهانة سهرانه النجوم
فى سيل دموعك عايم عوم
لا شايفة زول لا لاقية نوم
***
يا عيونى ايه
الكان هداك
تتشابي لى
شوفة الملاك
***
سببت لى يا عيونى نوح
وهديتى لى قلبي الجروح
هزيتى جسمى أذيتى روح
وبعدت بى عن النصوح
وقعت فى شراك الشباك
وأحترت كيف أعمل معاك
 حليل زمن الصبا

• الحان وغناء ابراهيم الكاشف
حليل زمن الصبا الماضى
حليل زهر الحياة الزاهر
حليل زمن الحبيب راضى
حليل زمن الهوى الطاهر

حليله الأبلج الباسم
حليله الكاحل الناير
حليل قمر السما القاسم
لياليه وصبح داير

آه لو آه تفيد مجروح
والمثل القديم ساير
رهاب ما حصلوا الجارى
وسماك ما بحصلوا الطاير
تجدنى مراقب أخبارك
إذا النسمات بها تخابر
تجدنى على الفراش مضنى
تجدنى على الأسى صابر
***
أنا البعدك أصون عهدك
وليتك كنت بى خابر
وليتك مرة تذكرني
ولو فى ذكرة الغابر
***
فداك نوم عيوني يا نايم
وهل بلغك أنا مساهر
أراقب فى كواكب الليل
أرك بيناتها ماك ظاهر
أغفى الطرف وأتناوم
أقول للحسنة لى جاهر
متين أنظر جمال نورك
ووين يا كوكبي الزاهر
جمالك يسعد الشافك
صباحك يشرح الخاطر
مياسك الهلك ناسك
ودلالك وبسمة الفاطر
***
عيونك وإزدهار لونك
زهور وشما الندى القاطر
وروحك نسيم الروض
إذا مزجوا الشذى العاطر
***
تعود لى مسالمتك سالم
بعودة سلامة يا مسافر
أِوفك زى ملاك رحمة
أشوفك زى غزال نافر
أِوف فيك هيبة الظافر
أِوف فى محيك البدر
البفوق بدر السما السافر
***
ذكرى أهاجت الذكرى
دوام فى فكرتى تخامر
حليل الماضى وأيامه
حليل الرونق العامر
حليل زمن الحبيب طائع
حليل زمن الحبيب آمر
زمنا الكنا لا ندرى
بما كان الزمن ضامر




عوض وابراهيم شمبات - جاهل وديع مغرور
















جاهل وديع مغرور 

شعر: عبيد عبدالرحمن 


جاهل وديع مغرور 
فى أحلام صباه 
نايم خلى ومسرور 
ما عرف الهوى 

فى سور وداخل سور 
فى روضة زهور 
غناء وقصور فى قصور 
آية الجمال مبصور 
أخلاق الرضيع 
فى هيبة المنصور 

باهى الدلال موفور 
محجور الخدور 
ما هو الخليع وسفور 
زاد فى نفورو نفور 
وأصبح قلبى فى ايدو 
اليمين عصفور 

لو ينفع المحذور 
مالى ومال هواه 
الضامر المفزور 
قاسى ومنيع مابزور 
لكن دابو تاب 
جاهل صغير معذور 

هل الهلال فى حجور 
متقلد نجوم 
لافح أزار ديجور 
ما برحم المهجور 
ماسور الجمال 
قال يرضى حكم الجور 

ناعس لواحظ حور 
هاروت لو رآهن 
مثلى كان مسحور 
فاق الحسان الحور 
فى خدو الزهور 
زاهره وجواره بحور 


عبد العزيز محمد داؤود- جاهل وديع مغرور

خلف الله حمد - جاهل وديع مغرور


بادى والنحاس وقيقم - صفوة جمالك 




صفوة جمالك 

شعر: عبيد عبدالرحمن 

صفوة جمالك صافى 
الماء على البلور 
ينعم صباحك خير 
ويسعد مساك النور 

نور من جمالك بان 
لا نور شموس لا بدور 
فقت المعاك فى الجيل 
فقت المعاك فى الدور 
يا الفى علاك بعيد 
وسماك سابع دور 
ذقت الهلاك يا ملاك 
فى هواك هلاكى بدور 

يا فرحة المحزون 
يا نفثة المصدور 
مرآك يزيل الهم 
ويمحى الأسى الفى صدور 
أسمح لى أتلو سناك 
والدور يفاخر الدور 
ويفوح نشيدى الفيك 
زى نفحة الريفدور 

أنا فى شقاى ولهان 
يا الفى النعيم مغمور 
فرشى القتاد يا جميل 
ثم اكتسائى جمور 
يرضينى ما يرضيك 
والناس أمورها أمور 
ومحال أسيبو هواك 
اذا السماء تمور 

بين القلوب ميزان 
صفا وزنها المعبور 
قلباً يميله الحب 
وقلباً يميل مجبور 
انسان عشق انسان 
وانسانه ما مخبور 
شخص الوفاء المفقود 
ولفقده مانى صبور 

طرفى السهير يا سمير 
للنوم يضره ضرور 
وعذابى لو سرك 
طبعا أكون مسرور 
أوعد جفونى غميض 
والطيف يزورنى مرور 
أفرح وأقول يا ليل 
وأشرح وأحاكى سرور 


                                                      شروق أبو الناس -صفوة جمالك 

حنان وعبير وملاك - صفوة جمالك 


ميرغني المامون وأحمد حسن جمعة -  صفوة جمالك 


الهادي حامد - ود الجبل -  صفوة جمالك 

النور الجيلاني -   صفوة جمالك 




من محاسن حسنه المحاسن 
شعر : عبيد عبد الرحمن 




من محاسن حسنه المحاسن 
وفى جبينه النور والجمال 

مالى والغزلان فى تلالن 
ايه ينيل قناص غير علالن 
كيف أطيق وأتحمل ملالن 
يعشق الغانيات فى ظلالن 
بعشق التايهات فى دلالن 
بعشق الهيباتن جلالن 
بعشق الأخلاق والكمال 

هن كما الأفلاك فى سماهن 
فى بروج البدرين حماهن 
مافى خاين طالن رماهن 
دارت الأيام هن كما ياهن 
مترفات ناعمات بانتماهن 
هن خزائن الدار بين لماهن 
المسك والراح والزلال 

شوف جمال الحى نورو باين 
بعشق الأزهار فى الجناين 
بعشق الرمان غصنو لاين 
بهوى زولا ما زانه زاين 
بهوى طبعو اللى عرضو صاين 
بهوى حسنه وخايف أعاين 
أنسحر بى سحرو الحلال 

بين خدودن وبين انفصادن 
يجرى بحر السيف يروى صادن 
شوف عيونو الأكباد حصادن 
والبطير ما طار من مصادن 
ناعسات كاحلات صابنى صادن 
كيف أطيق الموقف قصادن 
ما بطيق رميات النبال 

يا زهى الأزهار حين لباسن 
والغصون من لونك مياسن 
هاك عقودى الناظم قياسن 
من درارى وغاص فكرى كاسن 
مبكرات أشعار فى جناسن 
فى وريدك خايل لباسن 
زى نجوم الليل للهلال 

ما سليت إن نهت النواهى 
فى هواك أو دهت الدواهى 
برضى بفخر بيك وبباهى 
ليلى هاك أفكارى السواهى 
تحكى ليك آمالى الزواهى 
ليلى آه أنا جسمى واهى 
ما بطيق للهجر احتمال 





انا مابقطف زهورك - ابراهيم الكاشف


أنا ما بقطف زهورك 

شعر : عبيد عبدالرحمن 

غناء : ابراهيم الكاشف 


أنا ما بقطف زهورك 
بعاين بعيونى 

ياالغصن الفى نفورك 
ويا البدر الفى خدورك 
مترقب ظهورك 
أتأمل فى محاسنك 
وأتمتع بمناظرك 
وأتوسع فى فنونى 

لعبت بى دورك 
وأصبحت مسحورك 
سبحت فى بحورك 
وعرفت أوزانك 
وعزفت الحانك 
آهات توالينى 

لازلت مأسورك 
وما قادر أزورك 
ملأ العيون نورك 
كشف الظلام بسمك 
واتجلى لى رسمك 
شخصك ملى عيونى 

أضنانى تأثيرك 
وما بشكى لى غيرك 
أعيانى تفسيرك 
يا الرمز الحيرنى 
وهواك صيرنى 
اتحدى العزلونى 

يا الغالى موهوبك 
يا الراقى أسلوبك 
الناس يآنسوبك 
يا العالى تعليمك 
أنا من مظاليمك 
ايه ذنبى ورينى؟ 



منار صديق - أنا مابقطف زهورك بعاين


الشال منام عيني ابراهيم الكاشف


الشال منام عينى 


الشال منام عينى 
وفؤادى جارحه 
انشا الله يلاقينى 
وبهواى أصارحه 
***** 
نتقابل الأتنين 
واشكى له مر البين 
لعل قلبه يـلــــيــــن 
يعطف على المجروح 
والروح تناجى الروح 
والعين تشوف العين 
والأيد تصافحه 
***** 
أقول ياحبيبى 
متين يبقى تقريبى 
متى تبقى حاسيبى 
ليك بى المودة أبوح 
بين الرياض والدوح 
جالسين ومتآنسبن 
وانا واب عيون ناعسين 
فى الحب أفاتحه 
***** 
نقيف فى شاطى النيل 
يعطف على ويميل 
أقول ليهو انت ياجميل 
يابدر نور ولوح 
يازهر عطر وفوح 
ولاأنت اسمك مين 
قال فى ابتسام ياسمين 
عبقت روايحه 


ضاع صبري- عما د  أحمد الطيب




ضاع صبري اين ياوصـلي.. 
قلبــي بنارالغرام مصـلي 
ياعـقود امالي أنفصــــــلي.. 
مابفيق من النـويح أصلي 
عقلي يوت كل ساعة ينقص لي.. 
فيك ضاع ياطـيبة الأصلي 
أيه ده ليل والبدر واضـح لي.. 
ام ده ديسـك محيو فاضــح لي 
يالعيون عاد روقـي وحـلي.. 
خفي رمشك ده المجـرح لي 
زاد من نار الصدود وجلي.. 
يامعاني الشـعر والزجــــــــلي 
باهي جيدك والخــديد مجلي.. 
ترى ده الهـلاك في الأعين النجـلي 
ليك نسايم الشوق دوام رسلي.. 
في هواك كم ضايع مثــلي 
ماسليتك وأنت كيــف تسلي.. 
وأنا صرت ميت وميت والدموع غسلي 
مالي ياليل الهم تجمع لي .. 
ديمـه يا نيراني تشــتعـلي 
يابدر بالله أســطعـلي.. 
وياسـهيل أرجـوك تسمعلي 
ترمي محييك في الكـــفل تعلي.. 
تثني قامتك بالصـدير تعـلي 
ياحمام بالله أسـجع لي.. 
ماله ضـــايع في الخيال فعلي 


عصام أحمد الطيب - ضاع صبري




زاد أذاي يا صاحي  مبارك حسن بركات




زاد أذاي يا صاحي 
واعتراني نحول 
طرفي دامع وصاحي وبالسهاد مكحول 
لي حال الحول 
والموانع بينى وبين حبيبي تحول 
قلبي قال مابحول 
صبري ضاع ياجافي وخصبي صار ممحول 
العلي ما بزول والأنين يابدري والحنين مابزول 
الجسيم مهزول 
منيتي وآمالي ونومي في عيون زول 
يانسيم مرسول لي حبيبي 
لعلك منو واجد سول 
أجثو ليهو مثول 
علّي أنظر حسنه و أقبّل المعسول 
...........رفعة قامته 
وحسنه دلو واصلوا وصفه شرحه يطول 
من دلال مسطول 
كم يواعد ويمطل والمطل ممطول 
القوام معدول 
والوريد كالدمية والأسيس مسدول 
الكتيف مهدول 
بعضه نام في بعضه تقول حرير مجدول 
ايه يفيد القول 
وايه يفيد من شعري فيه مهما أقول 
منه حائرة عقول 
الوصول للبدر ياخي ما معقول 
زاد أذاي يا صاحي واعتراني نحول 
طرفي دامع وصاحي وبالسهاد مكحول 



ولهان دمعي هامي 

ولهان دمعي هامي وسهران ساهي بالي 
بـعدك لـيه مـيسر وقـربك ليه iiأبالي 

أخـشى يكون حبيبي صرم البين iiحبالي 
مـا ضـراه طـيفك لو في النوم صبالي 
يـوم ودعـت حـسنك يوم ودعت iiبالي 
امـتى أشوف جمالك وامتى تكون iiقبالي 

بـي ذكـراك معذب كل ما الليل مسالي 
قـلبي يـزيد حـنانه وقلبك ليه iiقسالي 
جرت وجار زماني وخاطرك طاب iiنسالي 
مـهما جـدّ بـينك صابر وماني iiسالي 

أبـكي حـبيبي بـعدك أيـامي iiالخوالي 
أنـشد فـيك صفاهن وأنشد فيك iiموالي 
لـولا مـسيل دمـوعي بلاني iiورواني 
خرقت جسمي نارك وحرق الكان iiحوالي 

صـده سـبب نحولي وبعده سبب iiملالي 
حـبه مـلك فـؤادي واتـمازج iiخلالي 
أمـا سـبب شـقاي ودائـي iiوغتلالي 
نـور مـحيه الهلالي ونور خده البلالي 




ابراهيم الكاشف - الجمعة فى شمبات 


الجمعة فى شمبات 
لحن وغناء أبراهيم الكاشف 



تحت فيحاء الخميلة 
كنا والأطيار تغني 
ترقص الأطيار تمنى 
بيننا أوجه جميلة 
*** 
كلما العصفور يغرد 
والنسيم يهفو ويبرد 
تزدهى الأقمار تورد 
واحدة صاحية وواحدة وسنى 
وواحدة فاترة فاتنة حسنه 
فى غفلة الدهر أختلسنا 
نحن بيناتن جلسنا 
جلسة ما منظور مثيلها 
عندما أتلاقت عيوننا 
تهنا واتوافت ميولنا 
وأنضوينا 
بين أحضان الجنينة 
فوق أعشابها الحنينة 
من سلاف الحب رشفنا 
أرتوينا 
قلنا يا ساقينا لحظة 
أم كؤوس الراح سقينا 
ورحت تلعب بى عقولنا 
كلما قامتك تميل 
وترنو عيناك الجميلة 
*** 
الغيم أرسل سدوله 
ونسيم شمبات يأرج 
ويعرج من حقوله 
جداول الموية كابه 
ونسايم العزرى هابة 
كل زول مفتون بى زوله 
عيون لى عيون محاربة 
وشفاه لشفاه مقاربة 
وزى ما الناس يقولوا 
خليهم يقولوا 
حلات الجمعة يومها 
وحلو شمبات مقيلها 





الفنان أحمد يوسف  -  غزال البر 



غزال البر 
نظمت هذه القصيدة فى أواخر الثلاثينات لسفر حبيب على شاعرنا وكان سفره مفاجأة على الشاعر مما ترك أثُره واضحا فى نفس الشاعر والذى صوره فى هذه القصيدة 

غزال البر يا راحل 
حرام من بعدك الساحل 
أنا المن حالى ماك سائل 
*** 
أنا المنى الفؤاد مضنى أنا المنى الدمع سائل 
أعانى عذابي الهائل 
أخذ منى الفؤاد مأخذ 
ونال منى الهوى نايل 
*** 
غبت عن العيون 
أما الفؤاد بي ذكرتك آهل 
فراقك يا حبيب قلبي 
على ما تظنه شى ساهل 
ظهر فى وجهى تأثيره 
*** 
وصبح منى الفكر زاهل 
وتعرف كل ده ولكن 
تقيف عن أمرى متجاهل 
*** 
سمير الأنجم الزهرى 
ليلى بنهاره متواصل 
فقدت منامى وأحلامى 
ومافى من الألم فاصل 
جميع ما أنت ترضاه 
جميل منك إلى واصل 
تأكد ماكذبتك شىء 
وحات روحك هو الحاصل 
*** 
أنا مجنون هواك 
لكنى أظهر مظهر العاقل 
أخاف على حبك أضمضم 
أخاف يجد الكلام ناقل 
أخيل خدك الأسل 
أخاف من لحظك الواقل 
يشوفنى ويمضى تأثيره 
يسيبنى ويمشى متاقل 
*** 
حبيبي تبين الأخبار 
إذا كان يوم يجيك عازل 
يريد يوشيك عن امرى 
فأفهم أنه مترازل 
أقول ليك الكلام الجد 
وما أنا فى الكلام هازل 
وما أنا للوداد ناسى 
ولا عن حبى متنازل 



آلفنى فى البرهة القليلة 


عاصم البناء - آلفنى فى البرهة القليلة 


ظمت هذه القصيدة فى يوم شم النسيم ، وطبعا كان يوم عطلة خرجت من المنزل بدون أن يكون لى هدف ، فركبت الترام وعندما وصلت الى المكان الذى به حدائق المقرن الآن ، فى انتظار الترام الثاني اذا بأحد الأصدقاء حامد حسين بكير يركب عربة فنادى على وركبت معه وذهبنا الى حدائق الحيوان ، وفى أول مكان وقفنا فيه وجدنا فتاتين لم تكن لنا بهم سابق معرفة وكن يعلقن على كلامنا ، ومكان ما وقفن يقفن معنا ، وفى ذلك الوقت حسيت نحوهن بألأفه، فخرجنا أنا وصديقى وتركناهم وذهبنا الى اماكن كثيرة ، واخيرا ذهبنا الى شمبات فوجدنا مجموعة من معارف حامد فوجدنا معهم نفس البنات الاتى وجدناهم فى حديقة الحيوان ، فجلسنا بالقرب منهن فنادى على حامد بانهن من أهله فدخلت عليهن فقالت أحداهن التقينا ثاني 
فمكثنا معهم الى ان حان وقت الرحيل وطلبن من حامد ان يوصلهن الى مدينة أبو روف ، ولما كانت العربة صغيرة تخلفت انا وذهب حامد معهم الى المعدية فشعرت باكتئاب شديد لفراقهن ، فلم أنتظر عودة حامد ذهبت لوحدى الى أمدرمان فنظمت هذه القصيدة ولم التق بهن مرة ثانية. 

آلفنى فى البرهة القليلة 
وفارقنى ما بين يوم وليلة 
صادفنى فى داخل خميلة 
هتن الطل سقاها 
بعيونو الهميلة 
والأوراق تداعب اغصانها وتميلها 
وثغر الفجر ضاحك 
والزهرة الجميلة 
تختال لى انا لازال أخيله 
فى ظاهر عيونى 
وفى داخل الخميلة 
روضة رشح نداها 
يفوح طيبه ونجيلة 
بى باسمات زهورها 
وبىباسقات نخيله 
خطرت لى والخاطر يجيله 
بين قلبي المعنى 
وبين روحى الوجيلة 
الصدفة العجيبة 
والفرقة العجيلة 
والقعدة اللذيذة 
فى تلك النجيلة 
*** 
صدفة وكان معناها ودليله 
رأت العين حبيبه 
وروت الروح غليله 
*** 
مشهد كان يمثل 
قيس يوم لاقى ليلى 
بالحب المولد والعاطفة النبيلة 
*** 
فارقنى وماباليد حيله 
ساب الروح يتطلب رحيله 
ياخدوده الندية 
ويا عيونه الكحيلة 
هل من شوفه لى 
أم هى مستحيلة 






حجبوه من عيني 



حجبوه من عينى إلا من قلبي 
لا ما قدروا حجبوه 
**** 
حجبوه من عينى وضاروه حاسدنى 
بقو بينه ما بينى 
لا أدرى ما ذنبي المنعوه من حبي 
وبعدوه من قربي وابو لا يبارحوه 
هو منطقى وذوقى سموه معشوقى 
الليهو زاد شوقى مع أنه فى قلبي 
هو الوحيد حبي 
*** 
يا عوازلى وصحبي بس ما تشوفوه 
هو ما بتشوفه عيون وما حاموا حوله ظنون 
*** 
وديع رقيق وحنون 
هو القطعة الشيقة 
والشمس المشرقة 
والنار المحرقة 
أهو رمزى حلوة 






أسمعته تغريدى 

قصيدة خماسية خيالية استطاع الشاعر ان يخرج بها من الوضع الذى كان قائما فى أغاني الحقيبة وهو الوضع الرباعي 



أسمعتوا تغريدى 
وريتو تجديدى 
فى فن الأغاني 
قابلتو بى ريدى 
وسالمتو بى أيدى 
*** 
قتليه يا سيدى 
الليلة يوم عيدى 
ويوم التهاني 
ختيته فى طرفى 
*** 
وحفيته بى شرفى 
غزلتو بي طرفى 
وحكيتلو سوء ظرفى 
وآلام زمانى 
*** 
فى صحوتى وسكرى 
بقى سلوتى وذكرى 
ختيتو فى فكرى 
واليتو بى شكرى 
وعطفى وحنانى 
يالأنت ناسيني 
ودايما مقاسيني 
*** 
دايرك تآسينى 
وأن مت ترسينى 
وتنشر بيانى 
بقى أسمه تحصينى 
رغم البوصيني 
*** 
الدينه يقصينى 
والطبعة يعصينى 
ده فلان الفلانى 




بى هواكى 

بى هواكى وما لى سواكى 
يا غزالة وادى الأراك 

فى خباكى وأنا طرفى باكى 
طش عقلى وزاد ارتباكى 
يا الفى سباكى والعز حباكى 
زاد سهدى وزايد نباكى 

زاد صدودك وحياة خدودك 
برضى حافظ حرمة ولاك 
بى جدودك عاد ورى جودك 
وألفى زولن وشك الهلاك 

يل أم جمالن بهدل قلوبنا 
يا مثال التيه يا ملاك 
ما سعاد وليلى ولبنى 
ليس نالن شىء من علاك 

فاق نضار العسجد نضاره 
والصفار الزاين زهاك 
والوضيب اللقامه ضاره 
عالى صدرك وخصرك وهاك 

الحرير الناعم جسيمك 
تزرى قامتك غصن الأراك 
والبريق اللامع وسيمك 
طال هجرى لمتين أراك 

لولا ماكى ما نار حماكى 
جل قدرك يعلو السماك 
وفى نماكى وحسنك حماكى 
أنت بدرى وخدرك سماك 

ليك سلامى ما حن شادى 
وعد دلالك وأيام فضاك 
وعد حنينى الطايل أنادى 
كايسه هجرى وكايس رضاك 



سميرة

ذكراك سميرة روحي ومؤنساها 
أياك عزاها وأياك قساها 
*** 
زورة حيال الطيف عل وعساها 
يا من ملك هجرها ونساها 
يا من سهيت في حبه ولي نساها 
الحكمته في خفة روحه وقساها 
*** 
بلحاظه يسبي الغيد الفي رباها 
غير الغزالة عيون وعقول سباها 
بكمال جمال أخلاق روحه وأباها 
جمع الجمال وحميع جمل النباهة 
*** 
زهرة ربيع في ربيع زهوة صباها 
فتح الجروح في الروح نسام صباها 
كسته الطبيعة جماله وموهباها 
هنية جلال بلقيسة علي سباها 
*** 
زهرة جنائن النيل والنيل رواها 
وهباب داب ياداب بدا استواها 
أسباب جروح الجوف وأسباب دواها 
ظبية مسالمة وآه أنا من هواها 




لي حبيبا فاتني ريدة 
الجمال في خدوده ووريدة 
** 
نقي معني الشعر وحصيدة 
من محاسنه وأنظم قصيدة 
يا خليلي إحذر فصيدة 
صاب فؤادي وقلبك يصدة 
** 
قول طريف المجد وتليدة 
بالقنابل محصون بليدة 
الحرير الناعم جليدة 
وأن سمع بالريم شوف وليدة 
زهرة يانع فادع جريدة 
صدره بارز مبروم وريدة 
مثال الحسن وفريدة 
مني نافر ولا زلت اريدة 
** 
حفني ساهر والليل شهيدة 
دمعي نازل سارف رهيدة 
لما فكري الجاهد جهيدة 
في الغزال الضارب هويدة 



فكر فيه وأتأمل 




فكر فيه وأتأمل 
أراه اتجلى واتجمل 
هلالى الهل واتكمل 

تفاصيل قولى والمجمل 
سأصبر ياخى ايه أعمل؟ 
إذا قلب الفتى إتحمل 
مصايب الدهر وآلامه 
أرى الصبر الجميل أجمل 

حديثى ودمعى اتسلسل 
فصول فى رواية تتمثل 
أبين فى مواقف استبسل 
وعن رؤيا الحبيب حالا 
أبين فى مواقف أتوسل 

هواه بجسمى اتخلل 
مجارى الدم اذا اتحلل 
وقيع لى رضاه أتذلل 
وما هماه يا سيدى 
دا واحد أصلو بتدلل 

ترك أفكارى تتضلل 
بعذرو البيهو يتعلل 
فما شرع الهوى حلل 
لقانا نهار 
ولا فى الليل اذا أليل 

صريح قانون هواك خوّل 
هلاكى وقلبى ما تحول 
حقيقة وليس تتأول 
صريع لحظات سيوف لحظك 
وحالى ان شفتو تتهول 

تذكر عهدنا الأول 
صحى الأيام بتتدول 
قريب يوم داك وما طول 
مضت لحظات ويا حليلها 
بقت أحلام وتتأول 




أحمد المصطفى  -   فكر فيه وأتأمل 







ليست هناك تعليقات: